مثبت شرح ازاى تبدأ فى النت المجانى | كيفية أختيار فلاشة نت جديدة و ازاى تتعلم تشغل نت و تستخدم ثغرات المنتدى

**ملك الرهان** الأحد يونيو 16, 2013 11:13 am

فى ناس كتيرة لسه اول مره تعرف النت المجانى
و محتاجه الـ يدلها
وبما ان الواحد بتجيله رسائل بعدد شعر رأسه
وكلها زى بعض
فـ قلت اعمل موضوع أشرح فيه الحوار دا
و الكل يشوفه و يتعلم

* أولاً شراء فلاشة نت " المودم ":
الكل بيبقى عايز و طالب فلاشة تكون بتتفك شفرتها
و كمان كويسه و 7.2 ميجا سرعتها
حالياً أفضل فلاشات هى موبينيل
السبب:
فلاشات موبينيل لو مش هتتفك شفرتها
فـ هتقدر تشتغل ع موبينيل
كدا كدا موبينيل هى أفضل شركة فـ النت
السرعة عادةً مفتوحة
انما أتصالات و فودافون
لو جبت منهم فلاشة ومش هتعرف تفكها و دا أكيد
يبقى كدا هتلبس فـ الحيط
لأن أتصالات و فودافون عروضهم أزبل من الزباله
من الآخر شركات نصابة و السرعة فيها 32 كيلو
يعنى هتحمل بسرعة 2 كيلو
يعنى جوجل هيفتح معاك فـ 4 أيام
انما لو لبست فلاشة موبينيل ومعرفتش تفكها
فـ هتشتغل عليها هى
لأنها هى الأفضل و مش عايزين غيرها

فلاشات أتصالات
مش بتتفك نهائى ولا بالطبل البلدى
الفك بتاعها بيبقى هارد وير
يعنى تفتح الفلاشة و تشيل فيها حاجات
و الحوارات دى
فـ اوعى تفكر فـ أتصالات نهائى طول عمرك
كدا كدا شركة خنقه و النت فيها بيض

فلاشات فودافون
من أفضل فلاشات فـ مصر بتنزل السوق
لكن فى منها بيتفك و منها لأ
عشان تعرف ايه الـ بيتفك و ايه الـ مش بيتفك
هتخش ع قسم الفلاشات و تدور
وتسأل اوعى تشترى غير ما تسأل واحد و 2 و 3 و كتير
و تابع
عشان مش تلبس فلاشة بـ 125 جنيه ع الفاضى
لأن النت فـ فودافون برضه بيض

فلاشات موبينيل
برضه فيه منها بيتفك
و يقال ان فى نسخ جديدة نزلت مش بتتفك بس
بصراحة مشفتش
سمعت بس
لكن زى ما قلنا موبينيل النت فيها طلقه
عشان كدا أشترى منها
بس قبل ما تشترى اعمل موضوع برضه
خلى الناس تقولك تشترى ايه
قبل ما تنزل تشتريها ع حسب الوقت
لأن النهارده فلاشة " كذا " كويسه
بكره مش هتلاقى منها مثلاً
و هتلاقى أنواع جديدة
عشان كدا لازم تسأل قبل ما تنزل
عشان تعرف تجيب حاجه كويسه و الناس قبلك مجرباها

* ثانياً ازاى تبدأ تفتح نت بعد ما جبت الفلاشة
هتخش ع القسم دا
http://promisr.com/forumdisplay.php?f=88
و هتابع الثغرات
هتاخد الثغرة و جري ع القسم دا
http://promisr.com/forumdisplay.php?f=99
هتلاقى فيه شرح ان شاء الله لكل
البرامج الـ بنستخدمها فـ النت المجانى
و الشرح بالصور و بالتفصيل الممل
ومعظمها مواضيع مثبته

* ثالثاً ازاى تفيد و تعدى مرحلة انك تاخد ع الجاهز؟
دى بالمتابعة و الممارسة
لازم تتابع و تتعلم كتير و مش من يوم و ليلة هتعرف
تتعلم ازاى تجيب ثغرات بنفسك
و ع فكرة المسألة كلها عايز صبر و طولة بال
و انك تبقى عارف استخدام كل حاجه و ايه فايدتها
و بعدين جرب بقا و اتعب
و ان شاء الله مع الوقت هتعرف
و ممكن تخلى حد يساعدك .. عادى
الكل بدأ كدا

و عايز أقولك حاجه
اوعى تمشي بمبدأ انك تلاقى حاجه و تخليها لنفسك
لـ الشركة تقفلها و بعدين متلاقيش حاجه
الـ بيمشى بالمبدأ دا
عمره ما فكر انه من غير ما نشارك بعض هو مكنتش هيتعلم
و انه بيحتاج مساعدة فـ حاجات تانية
حتى لو بعيدة ع النت و بيلاقى الـ يساعده
لازم تشارك غيرك
و احنا الحمدلله عملنا نظام من فترة فـ المنتدى
ممكن تطلع عليه من هنا
http://promisr.com/showthread.php?t=49490

و بكدا الحمدلله هنقدر الى حد ما نحافظ ع الثغرات
و برضه القرار بيرجع ليك
كدا كدا الـ اتعود يساعد ويدى هيفضل يعمل كدا
بس الـ أخد طريق انه يحتفظ بالثغرات لنفسه
خليه ماشى عليه
كدا كدا بتتردله فـ حياته بشكل عام
و بيلاقى الـ يخبى عليه علم او معلومة او مساعده

الحمدلله مهما الدنيا نشفت و مبقاش في ثغرات
برضه بنرجع نلاقى جديد
من غير الـ بيخبى على الناس حاجه يعرفها